كرمال الخد الاسمر بقلم أكرم صالح الحسين سوريا

كرمال الخد الاسمر رح غني وقول 
سحرتني برمشا الاكحل 
دايخ ع طول
*
هالحلوة القعدت جنبي بهاك الليل 
وإيدا بإيدي حطت ياقلبي ويل
شفافا ياقطعة سكر مع نكهة هيل
سكران بحبا وخايف أبقى مسطول
*
رحنا سوية لا نقطف حبات التوت
غمزتني بعينا وقالت ع البيت نفوت
بدي ضما ع صدري ومن بعدا موت
بالجنة اللي بين شفافا بحيا ع طول 
*
راح العمر مقضيها غني الحان
للحلوة الاخدت عقلي وكل التحنان
بصدري أشواق وحبي متل البركان
ومتل النحلة بجنينة أفكاري تجول
*
شو ماقلت بأوصافك يا بنت الناس
يمكن صايبني بعقلي منك وسواس
خليني أشرب مرة من حبك كاس
ويقولوا ابو حيدر مطفي وراجع محمول 
*